Kristina Maksuti, golashënuesja më e mirë në Ligën e Femrave në Zvicër

Në futbollin e Zvicrës nuk janë të pranishëm dhe dominues vetëm futbollistët shqiptarë, gjithashtu janë edhe rreth dhjetë futbolliste shqiptare që po shkëlqejnë edhe në Ligen Superiore të Futbollit të Femrave NLA në Zvicër, shkruan Albinfo.ch.

Është Kristina Makusti, futbollistja shqiptare e Lugano Femminiles aktualisht më e dalluara në ekipin e saj dhe golashënuesja më e mirë.

Me 7-të gola nga 9-të takime, futbollistja 25 vjeçare i prinë listës së golashënuesve në Kampionat.

Veçojmë dy ndeshje ku është dalluar Kristina Maksuti, në takimin kundër Grasshoppersit duke shënuar tre gola dhe në takimin kundër FC Baselit duke realizuar dy gola.

Në të gjitha nëntë takimet e sezonit 2018/19, Kristina Makusti ka luajtur për ekipin e saj, kurse që nga java e 4-të është në formacionin fillestar.

Sulmuesja Maksuti është pjesë edhe e Kombëtares Shqiptare të Futbollit të Femrave.