Krishtlindjet në Zvicër do të festohen normalisht këtë vit, pavarësisht Covid

Jill Wellington

Ndryshe nga sezoni i festave në vitin 2020, kur Zvicra ishte në mes të valës së dytë të pandemisë, ekspertët e shëndetit thonë se festimet e Krishtlindjeve të këtij viti mund të jenë afër normales, transmeton albinfo.ch.

“Absolutisht e mundur që ne të festojmë Krishtlindjet pa marrë asnjë masë nëse fushata e vaksinimit është e suksesshme”, tha Daniel Speiser, profesor i imunologjisë në Universitetin e Lozanës.

“Ne kurrë nuk kemi qenë aq afër fundit të pandemisë sa jemi tani”.

Dhe, sipas Christoph Berger, president i Komisionit Federal për Çështjet e Vaksinimit, “është krejt e mundur që ne të arrijmë të rrisim normën e vaksinimit, në mënyrë që certifikata Covid dhe kërkesa për maskë të mos jenë më të nevojshme”, shkruajnë mediat në Zvicër. /Albinfo.ch