Kosovë: Sot rivarrosen dhjetë viktimat e luftës që ishin të zhdukur

Mbetjet mortore të 10 viktimave të luftës së Kosovës, të cilët ishin në Listën e Personave të Zhdukur dhe janë identifikuar së fundmi nga mbetjet mortore të zhvarrosura nga varreza masive në Bishtazhin, po rivarrohen sot, përcjell albinfo.ch.

Pas mbledhjes komemorative të organizuar dje në Malishevë, ceremonitë e rivarrimit të organizuara nga komunat përkatëse, me përkrahjen e Komisionit Qeveritar për Persona të Zhdukur dhe Forcës së Sigurisë së Kosovës, mbahen sot më 4 prill.

KQPZh njofton se nga ora 12:00 – 13:00 do të mbahen homazhe në Sallën e Sporteve “Adem Jashari” në Klinë, ndërsa në ora 13:00 mbahet Akademia Përkujtimore, po ashtu në Sallën e Sporteve në Klinë.

Nga ora 14:30 zhvillohet ceremonia e rivarrimit në Kompleksin Memorial “Kodra e Kuqe” në Grabanicë, për këta viktima:

• Adem (Hazir) Gashi, Klinë

• Sahit (Ahmet) Gashi, Klinë

• Bekim (Hashim) Hasani, Klinë

• Sheremet (Brahim) Ismajli, Klinë

• Osman (Kadri) Fejza, Klinë

• Shkëlzen Rifat Hajdaraj, Klinë

• Bekim (Muharrem) Gashi, Klinë

Nga ora 16:30 nis ceremonia e rivarrimit në varrezat e fshatit Jashanicë (Klinë), për viktimën Mentor (Xhemajl) Myrtaj.

Në Malishevë mbahet ceremonia e rivarrimit të viktimës Vehbi (Pajazit) Halilaj. Në ora 13:00 mbahen homazhe në Shkollën “Petro Nini Luarasi” në fshatin Llapqevë, ndërsa në ora 14:00 rivarrimi i Mentor (Maliq) Kryeziu në varrezat e po këtij fshati.

Në ora 15:00 mbahen homazhe te Oda e Fshatit (pranë shkollës) në Bubavec, kurse në ora 16:30 zhvillohet rivarrimi në varrezat e fshatit Bubavec.

Ndërsa rivarrimi i mbetjeve mortore të viktimës Sabedin (Kadri) Kryeziu është organizuar më 21 mars 2025 në varrezat e fshatit Mleqan, Malishevë.