Kosovë: Sonte pritet të dalin 200 rezultate për koronavirusin

(AP Photo/Jessica Hill)

Vetëm sot në komunën e Prishtinës janë gjurmuar rreth 100 raste të kontaktit të personave që mbrëmë u konfirmuan si të infektuar me Covid-19. Por, në një prononcim për Gazetën Express, drejtori i Shëndetësisë në Prishtinë, Bujar Gashi, deklaroi se që nga e hëna e deri më sot në Institutin e Shëndetit Publik nga Prishtina janë dorëzuar diku 200 mostra të dyshimta me infeksionin Covid-19.

“Sot janë marrë diku rreth 100 mostra të kontakteve të rasteve të fundit të konfirmuara me Covid-19. Që nga e hëna e deri më sot janë diku edhe 80 mostra, rezultatet e të cilave nuk i kemi marrë ende”.

E mbrëmë Instituti Kombëtar i Shëndetit Publik ka njoftuar edhe për 129 raste të reja, të cilat janë prkeur me Covid-19. Nga to 46 ishin nga komuna e Prishtinës.

Rastet pozitive janë nga: komuna e Prishtinës 46 (sipas vendbanimit: 45 raste Prishtinë dhe 1 rast Hajvali), komuna e Prizrenit 18 raste (sipas vendbanimit: 15 raste Prizren, 1 rast Mazrek, 1 rast Reçan dhe 1 rast Romajë), komuna e Vushtrrisë 15 raste (sipas vendbanimit: 10 raste Vushtrri, 3 raste Akrashticë, 1 rast Begaj dhe 1 rast Maxhunaj), komuna e Rahovecit 9 raste (sipas vendbanimit: 8 raste Rahovec dhe 1 rast Ratkoc), komuna e Pejës 8 raste (sipas vendbanimit: 7 raste Pejë dhe 1 rast Buqan), komuna e Vitisë 6 raste (sipas vendbanimit: 3 raste Skifteraj, 1 rast Pozharan, 1 rast Zhiti dhe 1 rast Sllatinë e epërme), komuna e Gjakovës 6 raste (sipas vendbanimit: 4 raste Rogovë, 1 rast Gjakovë dhe 1 rast Mejë), komuna e Lipjanit 5 raste (sipas vendbanimit: 4 raste Lipjan dhe 1 rast Rufc i ri), komuna e Drenasit 3 raste (sipas vendbanimit: 2 raste Sankoc dhe 1 rast Fushticë e poshtme), komuna e Fushë Kosovës 3 raste (sipas vendbanimit: 3 raste Fushë Kosovë), komuna e Ferizajit 2 raste (sipas vendbanimit: 1 rast Komogllavë dhe 1 rast Ferizaj) dhe me nga 1 rast vendbanimet: Kmetovc-Gjilan, Glloboçicë-Dragash, Kaçanik, Mogillë-Kllokot, Mamushë, Milloshevë-Obiliq, Likoc-Skenderaj, Maqitevë-Suharekë.