Kosovë: Presidenti shpall zgjedhjet më 19 maj në veri

Presidenti i vendit, Hashim Thaçi ka njoftuar sot se ka shpallur zgjedhjet për kryetar të Mitrovicës së Veriut, Zubin Potokut, Leposaviqit dhe Zveçanit.

Përmes një njoftimi për media thuhet se presidenca sot ka nxjerr vendimin për caktimin dhe shpalljen e datës së zgjedhjeve të jashtëzakonshme për kryetar në komunat.

“Presidenti i Republikës së Kosovës, Hashim Thaçi, në mbështetje të kompetencave kushtetuese dhe ligjore, duke marrë parasysh shkresën e Ministrisë së Administrimit të Pushtetit Lokal dhe pas një procesi të konsultimeve përkatëse me partitë politike dhe Komisionin Qendror të Zgjedhjeve, sot ka nxjerr vendimin për caktimin dhe shpalljen e datës së zgjedhjeve të jashtëzakonshme për kryetar në komunat: Mitrovica e Veriut, Zubin Potok, Leposaviq dhe Zveçan”, thuhet në njoftimin e presidencës.

“Në pajtim me këtë vendim, zgjedhjet e jashtëzakonshme për kryetarë në këto katër komuna të Republikës së Kosovës do të mbahen më 19 maj 2019”, ka bërë të ditur zyra e presidencës.