Kosovë: Nesër protestohet kundër masave të vendosura nga Qeveria

Caffe Door74 Prishtine

Shoqata e Gastronomëve të Kosovës ka paralajmëruar për nesër protestë para Qeverisë së Kosovës për të kundërshtuar masat e miratuara sot në mbledhjen e Qeverisë.

Sipas masave të reja, orari i gastronomisë vazhdon deri në ora 23:00, por do të punojnë me masa kufizuese.

Lajmin për protestë e ka konfirmuar kryetari i Shoqatës së Gastronomëve, Petrit Kllokoqi.

“Nesër, e diel, ora 21:30, ftoj të gjithë gastronomët të dalim para Qeverisë, duke i marrë automjetet tuaja për të protestuar kundër masave të reja, me sirena! Kundërshtojmë masat duke e rujt shëndetin publik”, njoftoi ai, transmeton Albinfo.ch.