Kosovë, hotelet rrinë të zbrazëta

Sipas Agjencisë së Statistikave të Kosovës, vetëm 10 për qind e kapaciteteve hoteliere shfrytëzohen në Kosovë

Gjatë tre muajve të fundit të vitit të kaluar, objektet hoteliere në Kosovë kanë shfrytëzuar vetëm 10 për qind të kapacitete të tyre. Siç raporton Agjencia e Statistikave të Kosovës (ASK), në tremujorin e fundit të vitit  2013, në 105 hotele janë regjistruar 38 016 netqëndrime.
 
“Pjesë e anketës janë 105 hotele që ushtrojnë veprimtari hoteliere në territorin e Kosovës, ku pjesa më e madhe e hoteleve gjenden në Prishtinë, Ferizaj, Prizren, Gjilan. Sipas anketës, kapaciteti i shfrytëzuar në nivel vendi është 10.60 për qind”, thuhet në raportin e ASK-së.
 
Sipas të njëjtit raport, në vitin 2013m numri i vizitorëve vendor është zvogëluar për 1 për qind në raport me vitin 2012. Kurse, netëqëndrimet e vizitorëve vendorë janë rritur për 5.5 për qind.
 
“Rritje kemi edhe te vizitorët e jashtëm për 2.6 për qind kurse netëqëndrimet e vizitorëve të jashtëm janë zvogëluar për 7.79 për qind në raport me vitin 2012. ndërkaq, numri i vizitorëve për tre muaj është 24 476, ose 53 për qind prej tyre, janë vizitor vendorë dhe 47 për qind janë vizitor të jashtëm”, thuhet në raporti e ASK-së.
 
Ndërkohe numri i netqëndrimeve është 38 016. Rreth 50.4 për qind e netqëndrimeve janë nga vendorët dhe 49.5 për qind janë të huajë, citohet më tej Agjencia e Statistikave të Kosovës.
 
Me numrin më të madh të vizitorëve gjatë vitit 2013 prinë kryeqyteti i Kosovës, Prishtina me gjithsej 55 750 vizitorë, Lipjani radhitet i dyti me 7931 vizitorë, Prizreni radhitet i treti me 6610 vizitorë.
 
“Numrin më të madh të vizitorëve dhe netqëndrimet e tyre e ka  kryeqyteti i Kosovës, Prishtina me 15 055 vizitorë dhe 24 033 netqëndrime”, thuhet në fund të raportin të ASK-së, lidhur me statistikat hoteliere.