Kosovë: Goditet rrjeti i drogës dhe krimeve kibernetike

Foto ilustrim

Së fundmi, Policia e Kosovës, konkretisht Drejtoria për Hetimin e Trafikimit me Narkotikë, në koordinim me Prokurorinë Speciale, është duke zhvilluar një aksion në gjithë vendin, ku cak janë personat e përfshirë në veprimtari të kundërligjshme, përcjell albinfo.ch.

Nga Policia është konfirmuar se operacioni u krye në tri rajone, ku janë bastisur një numër i konsiderueshëm lokacionesh kundër trafikimit me narkotikë dhe krimeve kibernetike.

“Të gjitha veprimet e mëtejme do të ndërmerren në bashkëpunim dhe koordinim me organet e drejtësisë, ku për informacione shtesë mund të informoheni pas përfundimit dhe kompletimit të operacionit.”

Siç mëson ekskluzivisht Klankosova.tv, deri më tani janë arrestuar 10 persona, ndërsa në pranga pritet të përfundojnë edhe të dyshuar të tjerë që ishin objekt i hetimit.