Kosovë: Asnjë i vdekur, 56 raste të reja dhe 69 të shëruar

KEYSTONE/EPA/VALDRIN XHEMAJ

Gjatë 24 orëve të fundit, në Kosovë janë regjistruar 56 raste të reja me Covid-19 derisa nuk ka asnjë rast të vdekjeve. Ndërkohë 69 persona janë shëruar, bën të ditur Instituti i Kosovës për Shëndetësi Publike.

“Numri total i rasteve pozitive është 15.814 raste nga 70.219 persona të dyshimtë në virusin SARS-CoV-2 dhe 630 raste të vdekjes”, thuhet në njoftimin e IKSHP-së, raporton Albinfo.ch.

Numri i përgjithshëm i të shëruarve deri më sot është gjithsej 13.856 raste, kurse numri i rasteve aktive është 1.328.