Kosovë: Aprovohet doza e katërt e vaksinës për disa kategori

Photo alirazagurmani9272

Ministria e Shëndetësisë në Kosovë ka miratuar vendimin për lejimin e dhënies së dozës së katërt të vaksinës kundër COVID-19 për disa kategori të personave.

Sipas njoftimit, kjo vaksinë mund të merret nga të gjithë personat e grup-moshës mbi 50 vjeç, të paktën 4 muaj pas marrjes së dozës së tretë.

Tutje, sipas njoftimit, kjo vaksinë është rekomanduar të merret nga personat me sëmundje kronike dhe imunitet të dobësuar të moshës mbi 5-vjeçare, gjithashtu të paktën 4 muaj pas marrjes së dozës së tretë.

“Si dhe për profesionistët shëndetësorë, pa dallim moshe”, thuhet në njoftimin e MSH-së.

Në Kosovë, sipas përditësimit të datës 2 shtator, janë 885 raste aktive me COVID-19. Në 24 orët e fundit janë shënuar 67 raste pozitive.