Hap dyert Forumi Ekonomik Botëror WEF dhe «Shtëpia e Kosovës» në Davos

Në një forum ku vetëm një numër i kufizuar shtetesh kanë hapësira të dedikuara për prezantim, prania e Kosovës dëshmon për rritjen e rolit të saj në skenën globale dhe përkushtimin për të qenë pjesë aktive e diskutimeve mbi demokracinë, sigurinë, teknologjinë dhe zhvillimin e qëndrueshëm

Në Davos ka hapur zyrtarisht dyert World Economic Forum, duke mbledhur mijëra përfaqësues nga politika, ekonomia dhe shkenca nga e gjithë bota.

Paralelisht me agjendën zyrtare të forumit, Shtëpia e Kosovës në Davos mirëpret delegacione, investitorë dhe partnerë ndërkombëtarë, duke shërbyer si një platformë për promovimin e potencialit ekonomik të Kosovës, forcimin e bashkëpunimit ndërkombëtar dhe ndërtimin e lidhjeve të reja strategjike.

Në kuadër të aktiviteteve në Davos, në Shtëpinë e Kosovës pritet të marrë pjesë edhe Kryeministri në detyrë i Republikës së Kosovës, Albin Kurti, në takime, panele dhe biseda me përfaqësues ndërkombëtarë.

Prania e Kosovës në Davos konfirmon angazhimin e saj për pjesëmarrje aktive në proceset globale ekonomike dhe për krijimin e mundësive të reja për zhvillim dhe investime.

‘House of Kosova’ do të jetë e hapur nga 19 deri më 23 janar 2026, çdo ditë nga ora 10:00, në Davos Platz, duke shërbyer si pikë takimi për liderë politikë, sipërmarrës, investitorë dhe përfaqësues të diasporës, transmeton albinfo.ch.

Agjenda zyrtare e publikuar:

Sipas agjendës së publikuar, programi përfshin panele të nivelit të lartë, evente kulturore dhe aktivitete rrjetëzimi:

 

E martë, 20 janar

16:00 – 17:00 | Panel Diskutimi

“Democracy, Security, and Governance in a New Era”

Me pjesëmarrjen e Albin Kurtit, Kryeministër i Republikës së Kosovës.

E mërkurë, 21 janar

15:00 – 16:00 | Panel Diskutimi

“Europe’s Execution Engine: Winning the AI Race Through Specialization”

16:30 – 17:30 | Panel Diskutimi

“Powering Growth Responsibly: Energy Security and Transition Pathways”

20:00 | Koncert – Asgjë Sikur Dielli, grupi i njohur alternativ rock nga Prishtina.

21:00 – 00:00 | Event

“Kosova Night – Where Heritage Meets the Future” – mbrëmje kulturore me dialog dhe kuzhinë tradicionale.

E enjte, 22 janar

16:00 – 17:00 | Panel Diskutimi

“Construction meets AI: Affordable, Climate-Ready Housing at Scale”

19:00 | Koncert – Ansambli Kombëtar i Këngëve dhe Valleve “Shota”.

19:30 – 22:30 | Event

“Diaspora goes Davos” – lidhja e sipërmarrësve dhe liderëve kosovarë nga e gjithë bota.

Pjesëmarrja e Kosovës me House of Kosova në Davos përfaqëson jo vetëm një sukses diplomatik, por edhe një platformë strategjike për promovimin e vendit si destinacion për investime, inovacion dhe bashkëpunim ndërkombëtar.

Në një forum ku vetëm një numër i kufizuar shtetesh kanë hapësira të dedikuara për prezantim, prania e Kosovës dëshmon për rritjen e rolit të saj në skenën globale dhe përkushtimin për të qenë pjesë aktive e diskutimeve mbi demokracinë, sigurinë, teknologjinë dhe zhvillimin e qëndrueshëm.

Të gjitha informatat per Shtëpinë e Kosovës: https://www.houseofkosova.com/agenda

Lexoni po ashtu:

Bëhet publike agjenda e “House of Kosova 2026” , vetëm 25 shtete kanë “shtëpitë” e tyre në Davos

Lexoni pi ashtut:

Kosova rikthehet në Davos në Zvicër me “House of Kosova” 2026

---