Kosova përfundoi garat në Rio

E fundit që garoi ishte atletja Vijona Kryeziu. Ajo ka arritur e fundit në cakun e vrapimit prej 400 metrave në baterinë e katërt. Por koha e arritur në Rio De Zhaneiro ka mjaftuar që Vijona të thyejë rekordin kosovar të vrapimit në këtë disiplinë në konkurrencën e femrave

Garuesit kosovarë të shtunën përfunduan edhe zyrtarisht garat në Lojërat Olimpike “Rio 2016”. Kosova u paraqit me tetë garues, derisa Majlinda Kelmendi arriti medaljen e artë, shkruan albinfo.ch.

Majlinda ishte garuesja më e suksesshme. Ajo fitoi medaljen e artë për Kosovën në pjesëmarrjen e parë. Kelmendi më 2012 kishte garuar për Shqipërinë, por ishte eliminuar në xhiron e dytë.

Garuesit tjerë nuk kishin shumë rezultate të mira, derisa Nora Gjakova garoi e lënduar dhe arriti të kualifikohet një xhiro. Qëndrim Guri, Urata Rama, Musa Hajdari, Rita Zeqiri dhe Lum Zhaveli nuk arritën të bëjnë më shumë, duke u eliminuar herët.

E fundit që garoi ishte atletja Vijona Kryeziu. Atletja kosovare ka arritur e fundit në cakun e vrapimit prej 400 metrave në baterinë e katërt. Por koha e arritur në Rio De Zhaneiro ka mjaftuar që Vijona të thyen rekordin kosovar të vrapimit në këtë disiplinë në konkurrencën e femrave. Ajo për 54.30 sekonda ka vrapuar 400 metra, duke thyer rekordin për 34 të qindtat.