Kosova paralajmëron dozën e tretë të vaksinës anti-Covid

Përkeqësimi i situatës me pandeminë ka bërë që autoritetet në Kosovë të mendojnë aplikimim e dozës së tretë të vaksinës anti-Covid.

Ministri kosovar i Shëndetësisë, Arben Vitia, ka paralajmëruar aplikimin e dozës së tretë të vaksinës kundër koronavirusit.

Ai ka thënë se kjo do të ndodhë në rast se paraqitet nevoja.

“Kemi parë se në disa vende, përkundër vaksinimt masiv të qytetarëve, efekti mbrojtës i vaksinave duket se është diku 7-8 muaj, kështu që tashmë si qeveri jemi bërë gati për të negociuar dhe siguruar edhe dozën e tretë që ta kemi me kohë të gatshme nëse paraqitet nevoja”, theksoi Vitia, transmeton Albinfo.ch.

Situata me pandeminë në Kosovē është përkeqësuar javëve të fundit, ku çdo ditë raportohet për dhjetëra viktima e mijëra të infektuar. Siptalet janë stërmbushur me pacientë që po trajtohen nga ky virus, ndërsa janë mbi 25 mijë raste aktive në vend.

 

---