Kosova pa fusnotë në Parlamentin Evropian

Rezoluta për Kosovën, që ishte paraqitur nga raportuesja Ulrike Lunaçek është miratuar me shumicë votash në Parlamentin Evropian

Amandamenti i propozuar që Kosova në Parlamentin Evropian të përfaqësohet me fusnotë, është hedhur poshtë, ndërsa është miratuar amandamenti, që i bën thirrje Komitetit Olimpik Ndërkombëtar t’i inkurajojë sportistët nga Kosova, që të marrin pjesë në Olimpiadë, raporton REL.

Në këtë Rezolutë u bëhet thirrje pesë vendeve të Bashkimit Evropian, që ende nuk e kanë njohur pavarësinë e Kosovës, ta bëjnë këtë, meqë siç tha zonja Lunaçek, “kjo do t’i bënte më efektive përpjekjet e BE-së”.Ndërkohë Parlamentin Evropian, me shumicë votash ka miratuar edhe Rezolutën për përparimin e Serbisë në integrimet evropiane, në të cilën i bëhet thirrje Beogradit që të mos i shpallë zgjedhjet lokale në Kosovë.

Në Rezolutë, poashtu, kërkohet që Serbisë, “sa më shpejt që të jetë e mundur”, t’i caktohet data e fillimit të negociatave për pranim.

Në rezolutë gjenden edhe vlerësime pozitive për bashkëpunimin me Tribunalin e Hagës, reformat e brendshme dhe përparimin e bashkëpunimit me rajonin