Kosova ngritet, Shqipëria bie, Zvicra në vendin e gjashtë

Zvicra edhe më tutje mbetet në vendin e gjashtë në botë, derisa në ndeshjen miqësore ndaj Spanjës barazoi 1:1

Foto ilustrim © 2018 ALBINFO.CH

Është publikuar renditja më e re nga FIFA, ku ka pasur disa ndryshime në renditje.

Zvicra edhe më tutje mbetet në vendin e gjashtë në botë, derisa në ndeshjen miqësore ndaj Spanjës barazoi 1:1.

Pas fitores 3:0 në miqësoren ndaj Shqipërisë, Kosova është ngjitur për 11 pozita në renditjen e FIFA-s për muajin e kaluar, shkruan albinfo.ch.

Tani Kosova ndodhet në vendin e 141-të, duke bërë përparim të madh nga muaji i kaluar.

Ndërkohë, Shqipëria ka rënë për dy pozita nga vendi i 56-të në atë të 58-të. Kuqezinjtë pësuan nga Kosova 3:0 dhe Ukraina, në miqësoret e fundit.

Në vendin e parë është Gjermania, duke u ndjekur Brazili, Portugalia, Belgjika dhe Argjentina.