Lajme
Kosova në ethe nga shirat e rrëmbyeshëm
Pas përmbytjeve të djeshme në Prishtinë dhe rrethinë, për sot ka paralajmërime se të reshura shiut do të ketë me të njëjtin intensitet
Sipas drejtorit të Institutit Hidrometeorologjik të Kosovës, Sylë Tahirsylaj, të reshurat gjatë ditës mund të përfshijnë gjithë vendin dhe pritet të jenë shumëfish më të mëdha sesa ato që kanë rënë dje.
“Parametrat e parashikimit të motit të bëra nga Instituti tregojnë që vendi do të ballafaqohet me të reshura të furishme që do të jenë evidente veçmas nga e hëna deri të enjten. Sasia e këtyre të reshurave do t’i kalojë ato që kanë rënë të dielën”, ka thënë Tahirsylaj.
Sipas tij, sasia e të reshurave që priten të bien Kosovë gjatë kësaj jave paraqesin rrezik të madh për shkaktim të vërshimeve në përmasa të paparashikueshme.
Ndërkohë, për mosreagimin e institucioneve përkatëse kur reshjet e djeshme vërshuan shumë shtëpi e biznese në Prishtinë, ka shtyrë të reagojë edhe Këshilli për Mbrojtjen e të Drejtave e të Lirive të Njeriut (KMDLNJ).
Sipas këtij këshilli, vërshimet kanë shkaktuar dëme në Lagjen e Spitalit, në Kodrën e Trimave, fshatin Shkabaj dhe në disa rrugë të qendrës së Prishtinës.
KMDLNJ ka ftuar organet e komunës së Prishtinës dhe kompanitë publike që janë përgjegjëse për shëndetin publik, ujësjellës-kanalizimet, rrymën dhe pastrimin e rrugëve të reagojnë menjëherë.
Edhe qytetarët e shumë të Prishtinës druajnë nga të reshurat e reja dhe paralajmërimeve se ato do të jenë më të fuqishme se sa të djeshmet, që shkaktuan dëme të mëdha në kryeqytet dhe rrethinë.
Nga Komuna e Prishtinës kanë thënë se janë duke menaxhuar situatën e krijuar me të reshurat dhe se kanë vënë në dispozicion të gjitha firmat kontraktuese për infrastrukturë.
Po ashtu edhe ekipe të policisë dhe Forcës së Sigurisë së Kosovës (FSK) janë në gjendje gatishmërie për të ndihmuar banorët.
E-Diaspora
-
Ekspozita personale “Gjurmët në Medalion” e Valbona Gashit hapet në Konsullatën e Kosovës në Gjenevë Mbrëmë, në hapësirat e Konsullatës së Përgjithshme të Republikës së Kosovës në Gjenevë, u hap ekspozita... -
Krasniqi: Mijëra fletëvotime nga diaspora rrezikojnë të mos arrijnë në kohë në Kosovë -
Mbahen takimet poetike të Nëntorit në Lucern -
Seminar i KKAD me temën “Sfidat e gjuhës shqipe në diasporë” -
Sot fillon afati 11-ditor për regjistrimin e votuesve jashtë Kosovës
Jeta në Austri
-
Piloti austriak bën ulje emergjente afër kufirit me Italinë Piloti austriak bën ulje emergjente në autostradën A2 në Karinthia pranë kufirit italian; nuk ka të... -
Influencerja e zhdukur austriake gjendet e vdekur, brenda një valixheje -
Me 23 nëntor mbahet në Vjenë “Turneu i Pavarësisë” -
Koncert festiv për ditën e Pavarësisë së Shqipërisë në Baden të Austrisë -
Vjenë
Orë letrare në Vjenë në shënim të Ditës së Flamurit










