Kosova merr medaljen e artë ekipore në Ballkanikun e Xhudos

Pas tetë medaljeve të arta të fituara të shtunën në gara individuale, sukses të jashtëzakonshëm Kosova ka arritur edhe sot në garën ekipore në këtë sport.

Xhudistët e Kosovës kanë fituar medaljen e artë edhe në këtë kategori, duke dominuar totalisht me pesë garues kundër Malit të Zi, raporton kosovapress, transmeton albinfo.ch.

Laura Fazliu, Akil Gjakova, Nora Gjakova dhe Loriana Kuka, të gjithë u treguan të pakonkurrencë, duke mposhtur me lehtësi rivalët e tyre nga Mali i Zi.