Kosova merr hua për ndërtimin e autostradës Prishtinë – Pejë

Marrëveshja e huasë është nënshkruar nga ministri i Financave, Bedri Hamza, i cili me këtë rast tha se projekti ndihmon banorët e Dukagjinit

80 milionë euro hua do të marrë Kosova nga Banka Evropiane për Investime, për ndërtim të autostradës Prishtinë-Pejë, përkatësisht segmentit rrugor Kijevë-Zahaq.

Marrëveshja e huasë është nënshkruar nga ministri i Financave, Bedri Hamza, i cili me këtë rast tha se projekti ndihmon banorët e Dukagjinit, lidh Kosovën me shtetet tjera evropiane dhe ndikon në zhvillimin ekonomik.

“Banka Evropiane për Investime ka ndarë për Kosovën 257 milionë euro, prej të cilave deri më tani janë nënshkruar 149 milionë euro marrëveshje financiare”, ka thënë zëvendëspresidenti i Bankës Evropiane për Investime, Dario Scannapieco.