Kosova ka rritur këmbimin tregtar me shtetet tjera

Situata e fundit e krijuar në Kosovë po hapë mundësi për një rritje të këmbimit tregtar me shtete e tjera

Këto komente i ka bërë ministri i Bujqësisë, Pylltarisë dhe Zhvillimit Rural, Blerand Stavileci, pas takimit që pati me delegacionin bullgar të kryesuar nga ministri i Bujqësisë dhe Ushqimit, Miroslav Naydenov.

Një delegacion i Ministrisë së Bujqësisë dhe Ushqimit nga Bullgaria ka zhvilluar një takim me ministrin e Bujqësisë, Pylltarisë dhe Zhvillimit Rural, Blerand Stavileci, ku është biseduar për mundësinë e bashkëpunimit ekonomik dhe tregtar në mes të dyja vendeve.

Ministri Stavileci duke e quajtur këtë takim shumë të frytshëm për shtetin e Kosoëvs, tha orientimi i Qeveris së Kosovës është për të rritur prodhimet vendor, por sipas tij është e natyrshme që të kërkojnë edhe tregje alternative.

Ai po ashtu ka deklaruar se zhvillimet e fundit për vënien e masave të reciprocitetit hapin mundësi të reja për rritje të këmbimit, e tregtarë, duke thënë se vetëm lehtësimet fiskale dhe eliminimi i proceduarave burokratike, mund ta përshpejtojnë dhe ta rrisin këtë këmbim tregtar.

Ndërsa ministri i Bujqësis0 dhe Ushqimit, Miroslav Naydenov ka theksuar se bisedimet e këtij takimi ishin vërtet praktike dhe bëri të ditur se i kishte propozuar kolegëve nga Kosova që të përfitojnë nga përvoja bullgare.