Kosova është në festë

Kosova shënon sot katër-vjetorin e shpalljes së pavarësisë, e cila është data më e rëndësishme e historisë së deritashme të vendit. Me këtë rast, personalitet e larta të shtetit dhe qytetarë të shumtë ana e kend vendit janë në festë dhe po nderojnë dëshmorët e kombit.

Ata po festojnë katër vjetorin e pavarasisë me shpresën se e ardhmja do të jetë më e mirë dhe me progresive.

Festa e shënimit të përvjetorit të pavarësisë ka nidur qysh dje. Të gjitha qytetet e vendit janë stolisë me flamuj të Kosovës dhe gjithçka është festive.

Udhëheqësit më të lartë të institucioneve të Kosovës gjatë një seance solemne të Kuvendit, që u mbajt të enjten me rastin e katërvjetorit të pavarësisë, theksuan se katër vjet pas shpalljes së pavarësisë, Kosova paraqet një tregim të suksesit.

Presidentja Atifete Jahjaga ka thënë se ëndrra e Kosovës për t’u bërë shtet u realizua me sakrificat e mëdha të popullit dhe ndihmën e madhe nga shtetet aleate, me në krye SHBA-të.

Kryeministri Hashim Thaçi ka theksuar se 17 Shkurti i vitit 2008 paraqet datën më kulmore të historisë së Kosovës, ndërsa shtoi se Republika e Kosovës është një tregim i suksesit, me të cilin mund të krenohet bashkë me partnerët ndërkombëtarë.

Kryeparlamentari Jakup Krasniqi ka deklaruar se shpallja e pavarësisë ishte sublimim i aspiratave shekullore të popullit të Kosovës. Sipas tij, për katër vjet të pavarësisë, Kosova ka shënuar shumë përparime, por si një shtet i ri ende ka shumë sfida.