Kosova e Shqipëria, me pikë të përbashkët kufitare

Pika kufitare është hapur pas nënshkrimit të marrëveshjes midis dy qeverive në nëntor të vitit 2021.

Shqipëria dhe Kosova kanë hapur një pike të re të kalimit kufitar, atë të Shishtavec-Krushevës.

Ministri i Brendshëm, Bledi Çuçi, dhe homologu nga Kosova, Xhelal Sveçla, ishin të pranishëm në ceremoninë e inagurimit të kësaj pike kufitare, e cila do të jetë në shërbim 24 orë në 7 ditë të javës.

Gjatë fjalës së tij, Çuçi tha se hapja e kësaj pike kufitare do të ndihmojë të dy komunitetet dhe do të çlirojë potencialet e zhvillimit turistik të zonës.

Ndërsa Sveçla u shpreh se kjo dëshmi e vullnetit të dy qeverive në Tiranë e Prishtinë për t’i tejkaluar të gjitha pengesat dhe për t’u lehtësuar jetën qytetarëve.

Pritet që së shpejti të finalizohet edhe zbatimi i marrëveshjes për lëvizjen e lirë të banorëve të brezit kufitar./euronews

---