Kosova, ditëve të fundit, shënon ulje të rasteve me Covid

Kosova në dy muajt e fundit pati rritje të rasteve me Covid. Numri ishte mes 700-800 raste ditore. Ditëve të fundit ka një ulje të konsiderueshme me infektime. Gjatë raportit të fundit nga Instituti Kombëtar i Shëndetësisë Publike të Kosovës bëhet e ditur për ulje të infektimeve, transmeton albinfo.ch.

Gjatë 24 orëve të fundit në Laboratorin e Mikrobiologjisë Molekulare në IKSHPK dhe laboratoret private me metodën RT-PCR, si dhe laboratoret publike dhe private me metodën RAT janë testuar gjithsej 4.082 mostra të marra nga SHSKUK dhe gjurmimi i kontakteve të rasteve në terren, prej të cilëve rezultojnë 489 raste pozitive.

Brenda 24 orëve janë raportuar 8 raste të vdekjes me SARS CoV-2 pozitiv. Rastet e vdekjes janë nga komunat: Gjilan 2 raste (78, 74 vjeç), Fushë-Kosovë 1 rast (74 vjeç), Gjakovë 1 rast (77 vjeç), Kamenicë 1 rast (61 vjeç), Mitrovicë 1 rast (77 vjeç), Rahovec 1 rast (73 vjeç) dhe Suharekë 1 rast (65 vjeç).

Numri total i rasteve pozitive është 94.656, nga 451.922 persona të dyshimtë në virusin SARS-CoV-2 dhe 1.934 raste të vdekjes. /Albinfo.ch