Kosova dhe Shqipëria dakordohen për luftimin e korrupsionit

Sot, kryeprokurori i Shtetit, Aleksandër Lumezi dhe Kreu i Prokurorisë së Posaçme të Republikës së Shqipërisë (SPAK), Arben Kraja, kanë nënshkruar memorandum mirëkuptimi për bashkëpunim në luftimin e krimit të organizuar, korrupsionit, pastrimit të parave, terrorizmit dhe veprave tjera penale, përcjell albinfo.ch.

Vlen të cekët se Lumezi u shpreh se luftimi i korrupsioni nuk mposhtet vetëm nga puna që bëhet nga institucionet vendëse, por me përkrahje edhe të shteteve të tjera, në këtë rast, të Shqipërisë.

“Ky memorandum përfshin disa apekte dhe sidomos nga disa dukuri që e dëmtojnë sigurinë e vendit, por edhe të rajonit”“… këto dukuri nuk mund të luftohen nga një shtet i vetëm, ne kemi pasur bashkëpunim të mirë edhe më herët me Shqipërinë, duke bërë një hap të rëndësishëm në luftën kundër krimit të organizuar, dhe duke premtuar në luftimin e shumë dukurive tjera”, tha Lumezi.

Nga ana tjeter, krey i Prokurorisë së Posaçme të Shqipërisë, Arben Kraja, pas nënshkrimit të këtij memorandumi tha se do të vazhdojnë të punojnë bashkë me institucionet e Kosovës në luftimin e dukurive negative, raporton EO.

“Në jemi të aranzhuar në luftimin e korrupsionit dhe dukurive të tjera, dhe e kam të domosdoshme bashkëpunimin me shtetin e Kosovës… kjo nuk është hera e parë që kemi një bashkëpunim të tillë, duke falënderuar kolegët për këtë bashkëpunim, pasi prokuroria jonë e posaçme është e re dhe e kishim të nevojshme këtë bashkëpunim”, tha Kraja.