Konsullata e Republikës së Kosovës në Cyrih me telegram ngushëllimi për familjen Dalipi

Konsullata e Republikës së Kosovës në Cyrih i është drejtuar familjes Dalipi me telegram ngushëllimi, pas vdekjes së Dr. Sami Dalipit.

“Në emrin tim personal dhe në emër të Misionit Konsullor të Republikës së Kosovës në Cyrih, ju shpreh ngushëllimet më të sinqerta për këtë humbje të madhe. Dr. Sami Dalipi do të mbahet mend për profesionalizmin e tij të lartë, shpirtin bujar dhe bamirësinë e dëshmuar. Ai ishte një mik dhe shok i dashur për të gjithë ata që e njohën. Në këto momente të vështira, jemi pranë jush me zemër dhe mendje, duke ndarë dhimbjen për humbjen e njeriut tuaj të dashur. Ju lutemi pranoni ngushëllimet tona më të thella dhe mbështetjen tonë të plotë”, thuhet ndër të tjera në telegram, transmeton albinfo.ch.