Komuna e Podujevës ofron ndihmë financiare për të miturën që u ther në Ferizaj

Shpejtim Bulliqi, FB

Kryetari i Komunës së Podujevës, Shpejtim Bulliqi, tha se gjendja e 12-vjeçares që ditë më parë u sulmua me thikë në Ferizaj ka nisur të stabilizohet, duke bërë me dije se do të ofrojë ndihmë financiare për mbulimin e shpenzimeve për familjen e saj.

“Sot në orët e hershme të mëngjesit në Klinikën Intensive në QKUK e kam vizituar M.B. 12-vjeçare nga Podujeva, e cila së bashku me motrën e saj L.B. 15-vjeçare, para dy ditësh u përballën me një rast të rëndë në Ferizaj. Të dyja këto dhe dy persona të tjerë u sulmuan me thikë nga një person tjetër, por nga të gjithë M.B. e kishte gjendjen më të rëndë. Për fat të mirë, gjendja e vajzës që ndodhet në Klinikën Intezive në QKUK ka filluar të stabilizohet. Motrat M.B. dhe L.B. i përkasin komunitetit ashkali dhe janë nga Podujeva”, thuhet në njoftimin e Bulliqit.

M.B. është nga Podujeva dhe po trajtohet në Klinikën Intensive në QKUK në Prishtinë, pasi pati lëndime të rënda trupore nga sulmi i një personi të dyshuar më 11 nëntor.