Komuna e Junikut reagon pas aksidentit tragjik, ku mbeti i vdekur mërgimtari që jetonte në Zvicër

Një DJ kosovar nga kantoni Vaud i Zvicrës ndërroi jetë në një aksident tragjik, duke u aksidentuar rëndë me Ferrari të dielën në Italinë veriore.

Viktima e aksidentit, H. Qestaj, ishte me prejardhje nga Juniku, andaj edhe Komuna e Junikut ka bërë një njoftim.

“Lajm i trishtë për Junikun. Mëngjesi i ditës së sotme ishte i rëndë për Junikun. Në një aksident të rëndë trafiku, bashkëvendasi ynë, H. Qestaj, ka ndërruar jetë. Kryetari i Komunës, Ruzhdi Shehu, dhe të gjithë qytetarët e Junikut ndajnë dhimbjen me familjen e të ndjerit. I ndjeri të kujtohet gjithmonë me respekt dhe dashuri”, thuhet në njoftimin e Komunës së Junikut.