Lajme
Komuna e Gjilanit nderon jetën dhe veprën e dr. Shqiponja Isufit
Kreu i Gjilanit, Alban Hyseni, teksa ka folur në superlativ për veprën e Shqiponjës, ka thënë se humbja në këtë rast i tejkalon përmasat e familjes

Në Gjilan është mbajtur të mërkurën mbledhje komemorative kushtuar jetës dhe veprës së dr. Shqiponja Isufit, e cila ndërroi jetë ditë më parë në Zvicër. Mbledhja është organizuar nën përkujdesjen e kryetarit të Komunës së Gjilanit, Alban Hyseni, në të cilën pos familjes, kanë marrë pjesë edhe përfaqësues të institucioneve lokale e qendrore dhe qytetarë të shumtë.

Kreu i Gjilanit, Alban Hyseni, teksa ka folur në superlativ për veprën e Shqiponjës, ka thënë se humbja në këtë rast i tejkalon përmasat e familjes.
“Shqiponja, me angazhimin dhe përkushtimin e saj, ishte edhe ambasadore e Komunës dhe e vendit tonë, duke e promovuar në mënyrën më të mirë të mundshme modelin e qytetares së Republikës së Kosovës në shtetin e Zvicrës”, ka thënë kryetari Hyseni, duke shtuar se do ta kujtojnë përgjithmonë për gjurmët që la në kujtesën tonë kolektive si doktoresha e parë e shkencave në diasporën e gjerë shqiptare, edhe pse në moshë shumë të re, thuhet në një komunikatë të Komunës së Gjilanit

Në emër të Qeverisë së Republikës së Kosovës ka folur zëvendësministri i Mbrojtjes, Shemsi Syla, i cili tha se lajmi për ndarjen tragjike të Shiponjës ka tronditur të gjithë.
“Shqiponja për kaq jetë në karrierën e saj të shkëlqyeshme akademike e profesionale, na bëri nder jo vetëm neve, familjes, farefisit e Gjilanit, por gjithë kombit në nivelet më të larta të shtetit zviceran dhe jo vetëm”, ka thënë zëvendësministri Syla.
Në emër të studentëve të të ndjerës ka folur Sedat Adili, i cili tha se Shqiponja ishte sinonim i guximit, e sjellshme, e edukuar, luftarake dhe e dashur për të gjithë.
“Shqiponja ishte modeli më i mirë i një gruaje për familjen dhe shoqërinë”, tha ai.

Në emër të familjes Isufi ka folur babai i të ndjerës, veprimtari i çështjes kombëtare, Qamil Isufi, i cili ka falënderuar të gjithë për nderimet e fundit ndaj më të dashurës së tyre.
“Me tërë qenien time, unë jam përkujdesur që fëmijët e mi të edukohen e të lënë gjurmë të mira. Unë jam krenar që Shqiponja ka dhënë maksimumin nga një fëmijë që ka ardhur në moshë jo edhe të vogël në Zvicër, ka tejkaluar të gjithë kufijtë. Ne si prindër, do ta kemi këtë plagë në shpirt gjithë jetën”, ka thënë veprimtari i çështjes kombëtare, Qamil Isufi.
Pas mbledhjes komemorative, kryetari Hyseni me bashkëpunëtorët kanë bërë homazhe pranë arkivolit të Shqiponja Isufit.
Fotografi :







Video nga mbledhja komemorative
Të tjera nga Lajme
E-Diaspora
-
Si shqiptarja Mira Murati po e ndryshon njerëzimin përmes një Inteligjence Artificiale “etike” Shpërthimi i OpenAI si një ndër kompanitë e të ardhmes dhe shumë shpejt një prej më...
-
Presidentja Osmani dhe presidentja Keller-Sutter vizituan fabrikën Stadler
-
Shqipe Sylejmani bashkë me Xherdan Shaqirin pritën presidenten Osmani
-
Kur historia dhe identiteti takohen në një shesh
-
Presidentja Osmani: Dolli për miqësinë mes popujve tanë dhe për të ardhmen e partneritetit
Jeta në Austri
-
Italia konfirmon lidhjet hekurudhore të shpejtësisë së lartë me Gjermaninë dhe Austrinë “deri në vitin 2026” Italia po ecën përpara me planet për lidhje të reja të shpejtësisë së lartë me Gjermaninë...
-
97% e austriakëve blejnë online, kanë shpenzuar 30 miliardë euro në 2024-ën
-
Graz: Shoqata “Atdheu” edhe këtë vit do të organizojë Ditën Kulturore Shqiptare
-
Gjithçka që duhet të dini për kontrollet mjekësore falas në Vjenë
-
Komisioni Evropian propozon thjeshtimin e procedurave për deportimin e azilkërkuesve në vendet e treta