Kololli shënon dhe asiston, Kryeziu lëndohet

“Lojtari u detyrua të lëshojë fushën e lojës para kohe, në minutën e 20’, për shkak të një lëndimi”, njoftoi klubi

Futbollistët shqiptarë vazhdojnë të jenë protagonistë në Superligën zvicerane.

Edhe në këtë xhiro, futbollistët shqiptarë kanë lënë gjurmë, shkruan albinfo.ch.

Benjamin Kololli po shkëlqen për Zurichun, duke shënuar një gol dhe asistuar një herë, në fitoren e Zurichut ndaj Xamax 2:1.

Kololli shënoi në minutën e 73-të, derisa asistoi tre minuta më pas për të bërë përmbysjen në këtë ndeshje, ku u aktivizuan shumë futbollistë shqiptarë. Kololli, Domgjoni dhe Hekuran Kryeziu ishin nga fillim për Zurichun. Lajm i keq ishte lëndimi i Kryeziut, i cili u zëvendësua nga Mirlind Kryeziu. “Lojtari u detyrua të lëshojë fushën e lojës para kohe, në minutën e 20’, për shkak të një lëndimi”, shkroi klubi në llogarinë zyrtare në “Twitter”. Mendohet se 26-vjeçari ka probleme muskulore, përcjell tutje albinfo.ch.

Për Xamaxin titullar ishin Fejzullahu, Xhemajli dhe Ramizi, derisa ky i fundit është zëvendësuar nga Ademi.

Baseli barazoi me Young Boys 2:2, derisa Thuni me Luzernin 1:1.

---