Kololli dhe Kryeziu aspak nuk i frikësohen Anglisë

Benjamin Kololli dhe Hekuran Kryeziu nuk kanë frikë nga Anglia apo Çekia

Në vitin 2018, Kosova ende është e pamposhtur. 7 fitore, 2 barazime në 9 ndeshje. Ekipi i ish-trajnerit të kampionit të shumëfishtë FCZ, Bernard Challandes është i pari në grupin e tij të Ligës së Kombeve, informon Albinfo.ch.

Nuk është çudi që kosovarët u futën me shumë vetëbesim në kualifikimet për Kampionatin Europian. E gjithë kjo, pavarësisht se nga tërheqja e shortit të vazos së pestë u gjendën në grupin A me Anglinë, Çekinë, Bullgarinë dhe Malin e Zi.

Aloja e FCZ-së, Benjamin Kololli është i vetëdijshëm: “Në këtë grup mund të kualifikohemi”. Pak më i diferencuar për kualifikimet për KE duket bashklojtari i tij, Hekuran Kryeziu. Ai pohon: “Ky është sigurisht një grup i vështirë, por ne do të luajmë me trimëri. Ne duam të grumbullojmë sa më shumë pikë. Sigurisht që kemi respekt për kombet e mëdha, por në asnjë mënyrë nuk frikësohemi”, deklaron Hekurani për “Blick”, përcjell Albinfo.ch.

Po që se Kosova nuk mund të realizojë sensacion dhe të mos pozicionohet e para apo e dyta në grup, mbetet Liga e Kombeve.

Kryeziu: “Kemi dy shanse për t’u kualifikuar. Nga këndvështrimi im, alternativa më e mirë është përmes Ligës së Kombeve. “Në kualifikimet për Kampionatin Europian mund të jetë humbës, por ne duam t`i nevrikosim kombet më të mëdha”, ka përfunduar Hekuran Kryeziu.

---