Klubit serb i ndalohet hyrja në Kosovë

Ekipit të basketbollit nga Serbia i ndalohet hyrja në Kosovë

Është bërë e ditur se ekipit të basketbollit Sloga, nga Serbia, dje i është ndaluar hyrja në Kosovë.

Lajmin e ka konfirmuar zëdhënësi i Policisë, Daut Hoxha.

“Ekipi i potencuar nga ana juaj nuk ka pasur leje nga Ministria kompetente, prandaj i është refuzuar hyrja në Republikën e Kosovës“, tha Hoxha.

Detaje lidhur me rastin ka dhënë edhe kryetari i Federatës së Basketbollit, Arben Fetahu.

” Dje jam kontaktuar nga Policia e Kosovës. Më kanë pyetur se a ka leje ky ekip për të hyrë në Kosovë. U kam konfirmuar se nuk kanë leje për të zhvilluar gara në vendin tonë, edhe janë kthyer prapa nga policia. Kjo nuk është hera e parë që klubet e baskebollit nga Serbia tentojnë të zhvillojnë gara në Kosovë. Ne iu kemi drejtuar vazhdimisht edhe FIBA-s lidhur me këto raste. Qeveria e Serbisë dhe Federata atje nuk po merr asnjë masë“, tha Fetahu, përcjell albinfo.ch.

---