Kjo është vetura më e shitur në Zvicër

Toyota është pa dyshim marka më e popullarizuar në botë

Rëndësia e veturave në ditët e sotme është e padiskutueshme. E njerëzit vazhdojnë t’i blejnë automjetet e tyre në bazë të preferencave që ata kanë.

Megjithatë, në varësi të vendit ku jetojnë, nevojat për një lloj të caktuar makine ndryshojnë.

E cilat janë veturat më të shitura në shtetet e ndryshme e tregon ky infografik i siguruar nga Visual Capitalist, i cili është nënshkruar nga Budget Direct Car Insurance dhe bazohet në rezultatet e shitjeve të vitit 2019.

 

https://www.visualcapitalist.com/best-selling-vehicles-in-the-world-by-country/?fbclid=IwAR1sTMwyY0IG2JAABMn0muvN-ts8nhPiUDFTkbtSiVGW4pUe429WTysMLmw

Një vështrim i parë në grafikë zbulon se Toyota është pa dyshim marka më e popullarizuar në botë. Toyota është marka më e shitur në 41 vende. Vlen të përmendet këtu se Toyota Corolla ishte gjithashtu modeli më i shitur në botë, dhe fitoi titullin më të shitur në pesë vende. Sidoqoftë, mbreti i vërtetë është Toyota Hilux, e cila është më e shitura në 16 vende të botës dhe është veçanërisht e popullarizuar në hemisferën jugore.

Ndërkohë, sipas këtij sondazhi, vetura më e shitur në Zvicër është Skoda Octavia, modeli Sedan, ashtu si shumica e vendeve të Evropës Qendrore, shkruan albinfo.ch.

E në Kosovë duket se vetura më e shitur është Dacia Sandero. Sa i përketë vendeve tjera si Sllovenia, vetura kombëtare është Renault Clio, Kroacia, BiH dhe Serbia kanë një të preferuar, Skoda Octavia. Kurse për Shqipërinë nuk ka të dhëna zyrtare.

 

 

---