KFOR: Rihapja e urës vendoset me marrëveshje politike

Pasi në Kuvendin Komunal të Mitrovicës së Veriut një asambliste e Lëvizjes Vetëvendosje ka marrë iniciativë për të bërë një kërkesë tek autoritetet qendrore për hapjen e Urës së Ibrit për qarkullimin e automjeteve, ka reaguar edhe KFOR-i, përcjell albinfo.ch.

Sipas misionit të paqes, rihapja vjen me marrëveshje politike.

“Rihapja e urës është një çështje që duhet të zgjidhet përmes dialogut politik. Misioni i NATO-s, KFOR, vazhdon të monitorojë zhvillimet lokale dhe qëndron plotësisht i fokusuar në implementimin ditor të mandatit të tij, bazuar në Rezolutën e Këshillit të Sigurimit 1244 e vitit 1999, për të siguruar një ambient të sigurt dhe lëvizje të lirë për të gjitha komunitetet në Kosovë”, kanë thënë nga KFOR për RTV Dukagjinin.