Lajme
KFOR-i heton vrasjen e qenve endacakë në Kosovë
Pas deklaratave të aktores së njohur franceze, Brigitte Bardot se vrasja e qenve bëhet pa përkujdesje të duhur në Prishtinë, ndërsa këtë veprim ajo e e ka quajtur masakër, përfaqësuesit e KFOR-it në Kosovë kanë filluar një hetim për vrasjen e këtyre qenve endacakë.
Komandant i KFOR-it, Erhard Buehler, e ka njoftuar nëpërmjet një letre aktoren Bardot se kanë filluar hetimet për vrasësit e qenve. Letra është shkruar dy javë pasi që aktorja franceze i kishte bërë thirrje gjeneralit gjerman që të “ndalë masakrën” e qenve në Prishtinë.
“Unë ju lutem që të hetoni sulmet e bëra ndaj qenve në Prishtinë brenda tri javëve të kaluara dhe ju bëj thirrje që të ndaloni atë masakër”, i ishte drejtuar Bardot, komandantit të KFOR-it, duke kërkuar që të ndalohej përdorimi i armëve kundër qenve.
Por, në letrën kthyese komandanti i KFOR-it, duke e falënderuar aktivisten franceze për letrën e shkruar dhe shqetësimin e shfaqur përkitazi me këtë çështje, thuhet se është urdhëruar hetim për vrasjen e këtyre qenve.
“Me respektin më të madh ndaj përkushtimit tuaj për qëndrimin që e keni kundër mizorisë ndaj kafshëve, unë kam urdhëruar një hetim rreth kësaj çështjeje”, thuhet në fillim të letrës, me të cilën Buehler i është drejtuar Bardot.
Buehler ka rikujtuar aktoren franceze se qentë endacakë janë problem i madh dhe atë që nga vitet e para të pasluftës. Sipas tij, në vitin 2003 në Kosovë është vlerësuar të jenë më shumë se 50 mijë qenë pa përkujdesje. Tashmë, sipas tij, ky numër vetëm sa është shtuar.
E-Diaspora
-
Ekspozita personale “Gjurmët në Medalion” e Valbona Gashit hapet në Konsullatën e Kosovës në Gjenevë Mbrëmë, në hapësirat e Konsullatës së Përgjithshme të Republikës së Kosovës në Gjenevë, u hap ekspozita... -
Krasniqi: Mijëra fletëvotime nga diaspora rrezikojnë të mos arrijnë në kohë në Kosovë -
Mbahen takimet poetike të Nëntorit në Lucern -
Seminar i KKAD me temën “Sfidat e gjuhës shqipe në diasporë” -
Sot fillon afati 11-ditor për regjistrimin e votuesve jashtë Kosovës
Jeta në Austri
-
Piloti austriak bën ulje emergjente afër kufirit me Italinë Piloti austriak bën ulje emergjente në autostradën A2 në Karinthia pranë kufirit italian; nuk ka të... -
Influencerja e zhdukur austriake gjendet e vdekur, brenda një valixheje -
Me 23 nëntor mbahet në Vjenë “Turneu i Pavarësisë” -
Koncert festiv për ditën e Pavarësisë së Shqipërisë në Baden të Austrisë -
Vjenë
Orë letrare në Vjenë në shënim të Ditës së Flamurit









