KFOR-i do t’i mënjanojë barrikadat nëpër rrugë

Bundeswehri gjerman ka dërguar në Kosovë automjete të blinduara "Daks-pionier", për t’i hequr barrikadat që serbët kanë vënë në rrugë

　

Serbët kanë përforcuar barrikadat në rrugët e pjesës veriore të kosovës, që çojnë nga pikëkalimet kufitare me Serbinë, ka njoftuar sit KFOR-i.　

Barrikadat, sipas njoftimit, janë përforcuar me gurë, zhavorr dhe beton, ka thënë nënkoloneli Ralph Ademtz.

　

Ai paralajmëruar se KFOR-i do t’i mënjanojë barrikadat nëpër rrugë, bën të ditur AP.　

　

Bundeswehri gjerman ka dërguar në Kosovë dy automjete të blinduara “Daks-pionier”, për t’i hequr, barrikadat që serbët kanë vënë në rrugë, raporton FAZ.net.

Këto automjete të blinduara në Kosovë kanë arritur të premten he janë vendosur në Novo Sellë, aty ku është i stacionuar batalioni gjerman i KFOR-it.　

Janë paralajmëruar po ashtu që në fillim të tetorit të sillen edhe disa automjete të blinduara të tjera.

Qëllimi i këtyre përforcimeve është që të kontribuohet në përmirësimin e aftësive për të kontrolluar masat, për të qenë të gatshëm për dhunë, apo largimin e barrikadave.

　

Kurse dy maune të terrenit me nitroglicerinë janë fshehur nga grupet kriminale serb në ishe uzinën ushtarake ne veri te Mitrovicës kanë njoftuar burime të Koha Ditore.

　

Sipas burimeve, këto dy maune të premten janë sjellë nga Serbia në Kosovë përmes rrugëve alternative.

　

Grupet kriminale maunet i kanë marruar nën kontroll dhe i kane vendosur në ish – bazën ushtarake të ish – Jugosllavisë dhe aty janë të vendosur edhe mbi 40 serbë të armatosur. Maunet kanë targa të qytetit të Panqevës, Serbi.

　

Grupet kriminale këtë material tepër te rrezikshëm kanë ndër mend ta përdorin kundër　 konvojeve të KFOR-it si dhe atyre të Policisë së Kosovës nëse hynë në veri të Mitrovicës dhe Kosovës.

　

Uzina ushtarake ne veri gjendet në lindej të Lagjes së Boshnjakëve, afër të vendit të quajtur Çeshmellug.　

 

---