KF Gjakova, e para në “Gothia Cup”

‘Gothia Cup’ është turne tradicional dhe mbahet çdo vit. Ky turne mbledh rreth 1200 ekipe nga e mbarë bota

Të rinjtë e KF Gjakovës ka arritur një sukses të jashtëzakonshëm. Ekipi gjakovar ka fituar turneun ‘Gothia Cup’, i cili është mbajtur në Suedi.

Gjakova në finale të këtij turneu prestigjioz ka dërmuar skuadrën suedeze Halmstads, duke e mundur me rezultat të thellë 8:2.

Për të arritur deri në finale, gjakovarët kanë në xhiron e parë kanë mposhtur ekipin suedez, Gerskens (6:0), pastaj Assyriska (4:3), Puebla nga Meksiko (5:2), Bele Barkaby (8:6 pen.), kurse në gjysmëfinale kanë fituar ndaj ekipit gjerman, Maccabi Frankfurt (2:0).

Gjatë gjithë turneut, skuadra e Gjakovës ka pasur edhe përkrahjen nga bashkatdhetarët, të cilët i kanë ndjekur në çdo ndeshje, shkruan gazetaexpress.com.

‘Gothia Cup’ është turne tradicional dhe mbahet çdo vit. Ky turne mbledh rreth 1200 ekipe nga e mbarë bota.