Politikanët që zviceranët i pëlqejnë më së shumti

KEYSTONE

Në përgjithësi, Këshilli Federal vlerësohet pozitivisht nga popullata e Zvicrës, zbuloi një sondazh i ri i Tamedias, me 64 për qind të të anketuarve që thonë se janë të kënaqur me performancën e shtatë anëtarëve të kabinetit, transmeton albinfo.ch.

Këshilltari federal më i vlerësuar është ministri i Shëndetësisë, Alain Berset, i cili mori një rezultat 4.33 nga 6, edhe pse shpesh ka qenë subjekt i kritikave për trajtimin e tij të pandemisë.

Viola Amherd vjen në vendin e dytë, me një rezultat 4.23, e ndjekur nga Guy Parmelin (4.14), Karin Keller-Sutter (4.12), Simonetta Sommaruga (4) dhe Ueli Maurer (3.75).

Po presidenti i ri, Ignazio Cassis? Ai është më pak i pëlqyer, duke marrë vetëm 3.51 pikë.

Megjithatë, ky është vetëm një sondazh joformal, nuk flitet për referendum për këtë çështje. /Albinfo.ch