Kërkohet konsensus për dialogun, përplasen në distancë PDK – LDK

Kryetarit i Kuvendit, Kadri Veseli, ka bërë thirrje për konsensus politik lidhur me dialogun ndërmjet presidentëve Kosovë -Serbi.

Veseli të gjitha dështimet e deritashme ia ka atribuuar LDK-së, madje ka thënë se Mustafa është fajtor edhe për mundësinë që amnistia e krimeve të luftës të futet si temë në dialogun me Serbinë.  

Këto deklarata Veseli i ka dhënë në një konferencë për medie, pas takimit me kreun e Odës Ekonomike të Kosovës, Safet Gërxhaliu, i cili ia dorëzoi atij raportin e auditimit të OEK-ut. “Jemi duke humbur kohë, po merremi me bajraktarizma. Në vend që të koncentrohemi në pjesën si të ballafaqohemi me Serbinë, ne merremi me atë se kush do të jetë i pari. Opozita po vazhdon me gabimin e njëjtë. FSK-ja sot ishte përfunduar nëse s’do të ishin inatet e opozitës”, ka thënë Veseli. 

Por, nënkryetari i LDK-së, Avdullah Hoti, ka thënë se ata nuk do të ndryshojnë qëndrim, duke paralajmëruar mocion mosbesimi ndaj Qeverisë Haradinaj.