Zvicër: Nuk preferohet marrja e tabletave të jodit si masë parambrojtëse

Keystone

Ndërsa reaktori bërthamor i Çernobilit në Ukrainë është tani nën kontrollin rus, duke shkaktuar frikën e një katastrofe bërthamore, farmacitë zvicerane po regjistrojnë kërkesë më të madhe për tableta Jodi, njofton albinfo.ch.

Ky medikament besohet se parandalon jodin radioaktiv që të grumbullohet në gjëndrën tiroide dhe të shkaktojë kancer tiroid.

Megjithatë, farmacisti i Cyrihut Leo Grossrubatscher paralajmëron kundër marrjes së preparateve në mënyrë profilaktike.

“Nëse tani gëlltisni dy tableta jodi çdo ditë, kjo mund të çojë në mosfunksionim të gjëndrës tiroide”, tha ai.

Ai rekomandon respektimin e udhëzimeve të autoriteteve. Në rast incidenti dhe rreziku të shtuar, Qendra Kombëtare e Operacioneve Emergjente do të shpërndajë udhëzime për popullatën se si të sillet dhe çfarë medikamentesh duhet të marrë.