Këngëtarja nga Kosova do ta përfaqësojë Shqipërinë në “Eurovision 2023”

Bëhet e ditur se Albina Kelmendi dhe familja e saj do të përfaqësojnë Shqipërinë në “Eurovision 2023”, pas triumfit në edicionin e 61-të të Festivalit të Këngës në RTSH, përcjell albinfo.ch.

Ajo ka marrë votat maksimale nga publiku, duke qenë e preferuara e shqiptarëve për të përfaqësuar Shqipërinë me këngën “Duje”.

Albina dhe familja Kelmendi fituan çmimin e dytë të festivalit të këngës, sipas vlerësimit të jurisë profesionale, duke mbetur pas Elsa Lilës.

“Eurovision 2023” do të mbahet në Liverpool të Britanisë së Madhe.