Katër shtetas zviceranë mbështetës të ISIS-it në kampe në Siri

Tre burra dhe një grua me një fëmijë nga Zvicra ndodhen aktualisht të burgosur në kampe në verilindje të Sirisë si mbështetës të ISIS-it.

Diplomatja zvicerane Monika Schmutz Kirgöz, e cila është përgjegjëse për çështjet e Sirisë, Gazës dhe Iranit në Departamentin Federal të Punëve të Jashtme, tha të mërkurën për Radio Zvicerane SRF se këta individë nuk mund të hyjnë në Zvicër pa u kontrolluar më parë, transmeton albinfo.ch.

Një nga burrat ka shprehur dëshirën për t’u kthyer në Zvicër, por autoritetet zvicerane kanë refuzuar kërkesën e tij për arsye sigurie.