Kampionat Botëror për hedhjen e çantave!

Fituesdoli një nëpunës sigurimesh, i cili e ka hedhur çantën në largësi prej 24.21 metrash.

Në kohërat tona moderne njerëzit kujtohen për gara e gara. Të cilave madje nuk përtojnë t`u vënë emra kumbues si “kampionat botëror” e të ngjashme, sado absurde të tingëllojë kjo. Një “Kampionat Botëror” i llojit të vet është mbajtur të shtunën në Bottrop të Gjermanisë, ai për hedhjen e çantave.

Dhe, si çdo kampionat tjetër, edhe ky e kishte fituesin e vet. Kësaj here ai ka qenë  një nëpunës sigurimesh, i cili e ka hedhur çantën në largësi prej 24.21 metrash. Me këtë gjuajtje ai e ka tejkaluar rekordin nga viti i kaluar, që e kishte shënuar një shofer kamioni, i cili e pati hedhur atë 22.66 metra larg, shkruan tagesspiegel.de.

Por, përveç gjatësisë së hedhjes, këtu vlerësohet edhe paraqitja teknike dhe “koreografia” që tregon kandidati. Madje, për të qenë çdo gjë në suaza të seriozitetit të garës, organizatorët kanë angazhuar edhe një përgjegjës për kontrollet anti doping!