E-Diaspora
Zvicër: E ther të shoqen për vdekje, shtetasi i Maqedonisë çohet në psikiatri
Prokuroria kërkon 12 vite heqje lirie, por të kthyer në një masë mbajtjeje në një klinikë psikiatrike
Sot, në Gjykatën e Qarkut në Wil (Kantoni St.Gallen) një shtetas 47-vjeçar i Maqedonisë është përgjigjur për vrasjen e bashkëshortes së tij. Krimi ka ndodhur në maj të vitit 2018, kur i akuzuari e ka goditur të shoqen 51 herë me thikë. Pasi që është konstatuar se ka çrregullime mendore, personi në fjalë pritet të mbahet në një klinikë psikiatrike, shkruan sda.ch.
Sipas aktakuzës, rreth orës 13 të 18 majit të vitit 2018, pas një zënke të parëndësishme të çiftit në banesën e përbashkët dhe pasi dalin dy fëmijët e moshës madhore nga shtëpia, burri merr një thikë në kuzhinë dhe shkon në dhomën e gjumit, ku ndodhej e shoqja. Pas një fjalosjeje të sërishme, ai nxjerr thikën dhe e godet me egërsi dhjetëra herë herë të shoqen, në fytyrë, fyt, pjesën e epërme të trupit, transmeton albinfo.ch. Mjekët ligjorë më vonë kanë numëruar 51 therje me thikë në trupin e viktimës.
Ndërkohë që gruaja e plagosur rëndë po qëndronte e shtrirë në dysheme, agresori ka ndërruar pantallonat e përgjakura, ka dalë nga dhoma dhe e ka mbyllur atë nga brenda. Rreth orës 14.10 ai ka dalë nga banesa ku gruaja e tij po vdiste dhe ka shkuar direkt në stacionin e policisë, përcjell albinfo.ch. Aty ka tërhequr një numër dhe është ulur në sallën e pritjes. Pasi që ka pritur rreth 30 minuta, ai i ka thënë policit në sportel se kishte ndodhur “një problem”. Ai, në zënkë e sipër kishte therur të shoqen. Ajo ishte në shtëpi ndërsa ky nuk e dinte se në çfarë gjendje…
Sipas aktakuzës, personi në fjalë në kohën e kryerjes së krimit vuante nga një skizofreni paranojake. Ndonëse ai mund ta shihte padrejtësinë e aktit të vet, për shkak të çrregullimit nga i cili vuante, aftësia e tij për të vepruar në pajtim me këtë, ishte e kufizuar.
Prokuroria kërkon 12 vjet heqje lirie, por të kthyer në një masë mbajtjeje në një klinikë psikiatrike, përcjell albinfo.ch. Kjo masë, në gjuhën e popullit njihet si “kujdestari e vogël”, pasi që ajo nuk parasheh datë të lirimit të personit të dënuar. Kjo datë varet nga suksesi i trajtimit.
Veç kësaj, shtetasi i Maqedonisë duhet të lëshojë Zvicrën pa leje hyrjeje të serishme për 15 vjet. Vendimi për dëbim do të regjistrohet në sistemin e Informacionit, në bankën e të dhënave të zonës së Schengenit.
Procesi i gjykimit vazhdon.
Të ngjashme
Të tjera nga E-Diaspora
E-Diaspora
-
Një shqiptaro-zvicerane ambicioze, në Kancelarinë Federale të Zvicrës Drenusha Hajdini punon në Kancelarinë Federale të Zvicrës. Ajo flet për albinfo.ch rreth postit që mban,...
-
Jehon kënga e vallja shqipe në sheshin e qytetit Thun
-
Shqipëri: A do të mundësohet vota e emigrantëve në zgjedhjet 2025?
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
Jeta në Austri
-
Nomadët digjitalë: Kush mund të punojë në distancë në Austri? Pandemia e Covid-19 solli një epokë të re të mundësive të punës në distancë, por të...
-
Lajmet kryesore të Austrisë për këtë të enjte
-
“Haushaltsversicherung”: Si funksionon sigurimi i shtëpisë në Austri?
-
Vjenë
Vjenë: Kori Siparantum, edhe me një paraqitje në skenën prestigjioze
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998