Ka përfunduar Shkolla Verore e Diasporës

Në kohën sa zgjati programi (nëntë ditë), fëmijët patën rastin të mësojnë, të argëtohen, të krijojnë shoqëri të re, të shkëmbejnë kulturë, zakone e tradita të ndryshme, por edhe të shëtitin në vende historike e kulturore të Kosovës e Shqipërisë

E organizuar nga Ministria e Diasporës për të afruar sa më shumë fëmijët nga mërgata me atdheun, Shkolla e Diasporës ka përfunduar me sukses edicionin e saj të sivjetmë.

“Përfundoi me sukses Shkolla verore për fëmijët e diasporës, Kosovës e të Shqipërisë”, bëhet e ditur në një njoftim nga MeD . Në kohën sa zgjati programi (nëntë ditë), fëmijët patën rastin të mësojnë, të argëtohen, të krijojnë shoqëri të re, të shkëmbejnë kulturë, zakone e tradita të ndryshme, por edhe të shëtitin në vende historike e kulturore të Kosovës e Shqipërisë. I vizituam Prekazin, Prizrenin, Shpellën e Gadimes, Rugovën, Parkun e arinjve, Liqenin e Badovcit, Krujën, Tiranën e Durrësin. Kujtimet më të bukura janë ato që do të na përcjellin deri në takimin e ardhshëm. Faleminderit që jeni pjesë jona!”, thuhet në përfundim të njoftimit.