Ka hyrë në fuqi konventa e tatimit të dyfishtë në mes Zvicrës dhe Kosovës

Konventa e tatimit të dyfishtë mbi të ardhurat midis Zvicrës dhe Kosovës ka hyrë në fuqi më 10 tetor 2018. Konventa në fjalë do të zbatohet nga 1 janari 2019

Kjo është konventa e parë e përhershme midis Zvicrës dhe Kosovës. Konventa do të kontribuojë në zhvillimin e mirë të marrëdhënieve ekonomike midis dy vendeve.

Ajo merr në konsideratë zhvillimet që rezultojnë nga projekti i OCDE-së “Erozioni bazë dhe ndryshimi i fitimit” (BEPS), i cili synon të luftojë erozionin e bazës tatimore dhe transferimin e fitimit, informon Albinfo.ch. Në veçanti, ajo siguron një klauzolë antiabuzimi dhe një klauzolë arbitrazhi. Konventa gjithashtu përmban një klauzolë të ndihmës administrative që është në përputhje me standardet ndërkombëtare për shkëmbimin e informacionit sipas kërkesës.

---