Jepet premiera e filmit “Black Panther”

Bota e Marvelit, e dominuar nga super heronjtë, është rritur edhe më shumë, e kësaj radhe përtej kufijve imagjinarë të një shteti afrikan të njohur me emrin Wakanda, ku në fokus kësaj radhe është kryepersonazhi i këtij filmi dhe super heroi i njohur me emrin “Black Panther”, përcjell albinfo.ch.

Filmi i realizuar me një buxhet të madh nga studiot filmike “Walt Disney Pictures” dhe “Marvel Studios”, përbëhet nga një ekip i aktorëve zezakë, të udhëhequr nga protagonisti Chadwick Boseman. Ndërsa regjinë e këtij projekti e ka bërë regjisori i vlerësuar afrikano-amerikan, Ryan Coogler. Filmi i cili përqendrohet rreth luftës për pushtet në vendlindjen e super heroit Black Panther, besohet se tashmë ka thyer rekorde, duke shitur bileta para se të fillojë së shfaquri nëpër kinema, më shumë se çfarëdo filmi tjetër nga universi i Marvelit, si dhe pritet që me të filluar së shfaquri në mbarë botën, t’i arkëtojë më shumë se 120 milionë dollarë.

Filmi “Black Panter” do të fillojë së shfaquri nëpër kinematë e Amerikës nga 14 shkurti.