Java e Muzikës Kosovë – Zvicër, koncerte në Gjakovë dhe Mitrovicë

TAshmë për të tretën herë, orkestra e të rinjve FOS FreieMittelschule Muttenz Baselland viziton Gjakovën dhe punon së bashku me orkestrën e Shkollës së Muzikës të Gjakovës bashkë me grupin e harqeve të koncerteve PiroloKosova dhe Korin e Shkollës së Muzikës Prenk Jakova – Gjakovë.

Së bashku ata do të performojnë të premtën më 5 qershor, në ora 19.00, në sallën e koncerteve të Shkollës së Muzikës, njofton portali gjakovabasel.

Gjatë javës orkestra nga Mitrovica, do t’ju bashkëngjitet në koncertin që do të mbahet të shtunën më 6 qershor në urën e Mitrovicës, ku 90 pjesëmarrës të rinj do të këndojnë dhe performojnë këngë të mirënjohura paqe.