Januzaj tregon pse zgjodhi Belgjikën para Shqipërisë e Kosovës

“Unë jam i lindur në Belgjikë dhe u rrita atje prandaj zgjodha Belgjikën. Është vendi ku unë kam lindur, është vendi im”, ka thënë Januzaj

Adnan Januzaj ishte një futbollist i talentuar me të ardhme të ndritur, madje krahasohej me Lionel Messin dhe Cristiano Ronaldon.

Ai ishte i kërkuar me ngulm nga Shqipëria dhe ishte një fushatë e madhe që ai të luajë për kuqezinjtë. Gjithashtu i kishte dyert e hapura edhe te Kosova, përcjell albinfo.ch.

“Unë jam i lindur në Belgjikë dhe u rrita atje prandaj zgjodha Belgjikën. Është vendi ku unë kam lindur, është vendi im. Ishte një vit i shkëlqyer për mua në kombëtare, por më pas gjithçka u bë e vështirë. Tani shpresoj që të kem një vend te Belgjika në Botërorin e Rusisë në 2018″, ka thënë mesfushori shqiptar, që tani luan në Real Sociedad.

Januzaj ishte i kërkuar edhe nga Anglia, Turqia e Belgjika, dhe në fund zgjodhi Belgjikën, derisa gati që dy vjet nuk është ftuar.