Lajme
Jahjaga takohet me Obamën
Presidentja Atifete Jahjaga do të takohet me presidentin amerikan Barack Obama gjatë Samitit të liderëve të 21 vendeve të Evropës Qendrore dhe Lindore, që do të mbahet në Varshavë, më 27 dhe 28 maj.
I një rëndësie të veçantë do të jetë takimi me presidentin e SHBA-së, Barack Obama, duke e pasur parasysh rolin lider të SHBA-së në botë dhe ndihmën e vazhdueshme që ka dhënë dhe po jep SHBA-ja për Kosovën dhe për proceset demokratike në vend.
Sipas një njoftimi për media të Zyrës për Informim të Presidencës, thuhet se presidentja Jahjaga do të flasë për pavarësinë e Kosovës, për ndërtimin e institucioneve, për proceset e integrimeve evropiane të Kosovës, për barazinë nacionale, harmoninë fetare dhe për liritë dhe të drejtat e njeriut, për bashkëpunimin rajonal për ndihmën ndërkombëtare dhënë Kosovës, si faktor paqeje dhe stabiliteti në rajon e më gjerë.
Delegacioni shtetëror i Kosovës, në të cilin do të merr pjesë edhe ministri i Punëve të Jashtme, Enver Hoxhaj, do të shpreh qëndrimin se pavarësia e Kosovës është proces i pakthyeshëm, si vullnet i shprehur lirshëm i popullit të Kosovës dhe i shumicës së shteteve të Evropës dhe të botës, një pjesë e mirë e të cilave tashmë e ka njohur pavarësinë e Republikës së Kosovës dhe kanë marrëdhënie bilaterale.
Pranimi i këtij fakti edhe nga vendet e tjera që ende nuk e kanë njohur pavarësinë e Kosovës dhe anëtarësimi sa më i shpejtë i Republikës së Kosovës në OKB dhe në BE është e vetmja alternativë e cila suksesshëm e përmbyll procesin e pavarësisë, të barabarësisë dhe të dinjitetit të vendeve dhe të kombeve. Në procesin e pajtimit Republika e Kosovës ia ka shtrirë dorën të gjitha vendeve dhe të gjitha kombeve.
Po ashtu pjesëmarrja e delegacionit të Kosovës në këtë samiti është domethënëse, sepse Kosova është ftuar nga mikpritësi, presidenti i Polonisë, Bronislav Komorovski.
E-Diaspora
-
Ekspozita personale “Gjurmët në Medalion” e Valbona Gashit hapet në Konsullatën e Kosovës në Gjenevë Mbrëmë, në hapësirat e Konsullatës së Përgjithshme të Republikës së Kosovës në Gjenevë, u hap ekspozita... -
Krasniqi: Mijëra fletëvotime nga diaspora rrezikojnë të mos arrijnë në kohë në Kosovë -
Mbahen takimet poetike të Nëntorit në Lucern -
Seminar i KKAD me temën “Sfidat e gjuhës shqipe në diasporë” -
Sot fillon afati 11-ditor për regjistrimin e votuesve jashtë Kosovës
Jeta në Austri
-
Piloti austriak bën ulje emergjente afër kufirit me Italinë Piloti austriak bën ulje emergjente në autostradën A2 në Karinthia pranë kufirit italian; nuk ka të... -
Influencerja e zhdukur austriake gjendet e vdekur, brenda një valixheje -
Me 23 nëntor mbahet në Vjenë “Turneu i Pavarësisë” -
Koncert festiv për ditën e Pavarësisë së Shqipërisë në Baden të Austrisë -
Vjenë
Orë letrare në Vjenë në shënim të Ditës së Flamurit











