Lajme
Ja kur pritet ta heqë Zvicra Shqipërinë nga lista e karantinës
Azhurnimin e radhës të listës së karantinës BAG do ta bëjë më 16 tetor. Nga lista pritet të hiqen: Kroacia me 66 raste në 100 mijë banorë, Shqipëria me 65 dhe Monako me 62
Numri i infeksioneve me koronavirus në Zvicër po rritet gjithnjë më shumë. Por trendi i rritjes ndërkaq nuk është aktual në shumë vende tjera evropiane. Për këtë arsye, caktimi i karantinës nga ana e Zvicrës për shtete të caktuara mund të bjerë së shpejti, shkruan blick.ch
Siç dihet, kushdo që hyn në Zvicër dhe ka ardhur nga një zonë e rrezikshme për koronavirus, duhet të qëndrojë në karantinë për dhjetë ditë, transmeton albinfo.ch. Kjo aktualisht vlen për afër 60 shtete dhe zona të ndryshme të botës.
Azhurnimin e radhës të listës së karantinës (Zyra Federale e Shëndetit Publik (BAG) pritet ta bëjë më 16 tetor.
Ndonëse të gjitha shtetet për të cilat mund të pritet lirimi nga detyrimi i karantinës aktualisht kanë më shumë se 60 infeksione për 100,000 banorë, trendi në ato shtete shkon qartë drejt përmirësimit, përcjell albinfo.ch.
Kështu, në bazë të shifrave të OBSH-së, gazeta zvicerane ka bërë vlerësimin se cilat vende mund të dalin jashtë listës së rrezikut. Ato janë: Kroacia me 66 raste në 100 mijë banorë, Shqipëria me 65 dhe Monako, me 62 raste në 100 mijë banorë.
Siç dihet, Shqipëria për një kohë të gjatë ka qenë, si i vetmi vend i Ballkanit Perëndimor jashtë listës “së zezë” të Zvicrës ndërsa është futur aty nga fundi i gushtit.
Në shumë vende tjera, nga ana tjetër, situata e koronavirusit po përkeqësohet, dhe në disa raste ato e kanë kaluar tashmë shumë pragun 60, që nënkupton se pritet të futen në listën e rrezikut, në riaktualizimin e parë që do t`i bëhet asaj, transmeton albinfo.ch. Ndër këto shtete janë: Xhorxhia (125) Sllovakia (118), Rusia (80).
Ndërkaq, Zvicra aktualisht po përjeton një numër në rritje të infeksioneve. Prandaj është fare e mundshme që Zvicra së shpejti të gjendet në gjithnjë e më shumë lista karantine të vendeve tjera.
Të ngjashme
Të tjera nga Lajme
E-Diaspora
-
Rama njofton për programin e veçantë për emigrantët që duan të investojnë në Shqipëri Kryeministri i Shqipërisë, Edi Rama, njoftoi sot për një program të veçantë për të gjithë emigrantët...
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
-
Shqiptari shpallet studenti më i mirë i policisë së Nju-Jorkut për 2024-ën
Jeta në Austri
-
Çfarë duhet të dini për supermarketet në Austri? Austria ka një përzgjedhje të gjerë të supermarketeve cilësore, por ka disa dallime kryesore rajonale për...
-
Çfarë lejohet të bëjnë fëmijët vetëm sipas ligjit austriak?
-
Si mund t’i zgjidhë Vjena “problemet e saj të imigracionit”?
-
Edhe Austria i kërkon Qeverisë së Kosovës draft-statutin në këmbim të anëtarësimit në KiE
-
Austria kualifikohet në finale të Eurovizionit