Ja cilët janë “armiqtë e Zvicrës së lirë”

Një numër organizatash humanitare, vendore ose edhe ndërkombëtare, që kane përfaqësitë e tyre edhe në Zvicër, në mesin e të cilave edhe Kryqi i Kuq, pastaj shoqata fetare deri edhe shtëpi ku strehohen fëmijët  gratë, viktima të dhunës… Të gjitha këto dhe më shumë, kanë gjetur veten në listën e zezë që ka krijuar gazeta konservative zvicerane “Schweizerzeit”, shkruan mediet zvicerane dhe transmeton albinfo.ch.

Organizatat e tilla, sipas kësaj gazete, kryeredaktor i së cilës është ish deputeti nacional nga SVP-ja, Ulrich Schlüer janë “armike të një Zvicre të lirë” ose me fjalë tjera, “Tradhtare të Zvicrës”.

Në listën e palavdishme janë  renditur 55 organizata. Kriteri në bazë të të cilit ato kanë hyrë në listë është pjesëmarrja e tyre në një projekt të shoqatës “Dialog EMRK”, i cili angazhohej për të drejtat e njeriut dhe kundër iniciativës  së SVP-së “E drejta vendore para asaj ndërkombëtare”.